Lortekeko arkuzko soldadurako prozesuetako jakintza-arloak oinarrizko ikerketa eta ikerketa aplikatuko ildoak lantzen ditu, industriaren beharrizanetara egokituta. Era berean, ezagutza eta konponbideak industriako ehunera transferitzera bideratzen du Lortekek bere jarduera.
Arkuzko soldadura prozesuen esparruan, Lortekek industria-ehunari euskarria ematera bideratzen dituen espezializazio-ildoen artean, honako hauek nabarmentzen dira:
- Produktibitatea handitzeko, soldatutako loturaren kalitatea hobetzeko edota prozesuaren kostua murrizteko arkuzko soldadurako prozesu berritzaileak aztertzea, merkatuak eskaintzen dituen alternatiba tradizionalekin alderatuta:
- Tandem motako prozesuak edo elektrodo bikoitzekoak.
- Ekarpen termiko txikiko MIG/MAG prozesuak.
- Produktibitate handiko TIG prozesuak.
- Arku bidezko soldadura prozesuen monitorizazioa:
- Aldagai elektrikoak eta prozesuko aldagaiak denbora errealean eskuratzea, biltegiratzea eta bistaratzea (tentsioa, intentsitatea, hariaren abiadura, soldaduraren aurrerapen-abiadura, gas-emaria, zuziaren posizioa, etab.).
- Lineako kalitatearen kontrola: prozesuaren sentsorizazioa (abiadura handiko kamerak, termografia, sentsore akustikoak).
- Junturaren jarraipena.