Material erantsi bidezko birkargatzea eta konponketa

Birkargatzea eta konponketa helburu duen material eransketa, oinarrizko material edo substratu baten eremu edo azalera jakin baten gainean material galdatua gehitzean datzan prozedura da. Konponketa aplikazioetan, gehitzen den materiala oinarrizko materialaren antzekoa izan ohi da, baina birkargatze prozesuetan material ezberdina erabili ohi da substratuari higadurarekiko edota korrosioarekiko erresistentzia handiagoa emateko. Azken kasu honetan, ahalik eta diluzio txikiena bilatzen da erantsitako materialaren eta oinarrizkoaren artean, gehikuntzan konposizio kimiko diferentziatua lortzeko.

LORTEKen bi teknologia ditugu material erantsi bidezko birkargatze eta konponketarako, bata laser bidezko birkargatzea Laser Cladding (LC) deiturikoa da eta bestea arku elektriko bidezko birkargatzea. Lehen teknika metal jalkitze prozesu bat da, non laser iturri bar erabiltzen den materiala urtuko duen izpi kontzentratua sortzeko, material hori hautsezko elikatzaile batek dosifikatzen du iragazkirantz; bigarren kasuan kontrolaturiko arku elektriko batek sortzen du ekarpen haria galdatzeko beharrezkoa den energia. Bi kasuetan substratu lauaren nahiz 3D geometriadunaren gainean geruza batean edo gehiagotan teilakatutako kordoien bidez lortzen da material eransketa, jalkitze tasa handiarekin (2,5 kg/h Laser Cladding teknologiarako eta 4 Kg/h-rainokoa arku elektriko bidezkorako).

Teknologia horiek kalitate handiko material komertzialen aukera zabala erabiltzea ahalbidetzen dute, hauts nahiz hari forman, eta LORTEKekin aliantzak dituzten lehengai fabrikatzaileei esker, propietate mekaniko egokiak lor daitezke eta baita higadura edota nekearekiko joera hobetu ere, zerbitzuko tenperatura eta operazio baldintza konplexuko aukera zabaletan. Prozesu hauek material anitzak zein konposizio graduala duten osagaiak eskuratzea ere ahalbidetzen dute.

Laser Cladding teknologiak duen abantailetako bat gehitutako energiaren dentsitatea eta laser izpiaren diametroa kontrolatzeko gaitasuna da, horrela eremuko unitateari gehitutako beroa efikaziaz kontrolatu dateke eta akatsik gabeko ekarpenak lortzeko, diluzio baxukoak eta substratuari inpaktu termiko txikia eragingo diotenak.

Bestetik, arku elektriko bidezko birkargatze teknologia prozesu merkeagoa da eransten zaion materialaren eta ekipoen kostu txikiagoagatik eta jalkitze tasa handiagoagatik, nahiz eta distortsio eta hondar-tentsioaren gisako diluzio mailak Laser Cladding teknologiaren bidez lortzen direnak baino askoz handiagoak izan.

Materiala birkargatuta hainbat osagarriren erabilera-bizitza luza daiteke, trokelak, matrizeak eta bestelako tresnak esaterako, eta teknika hau erabil daiteke neurri edota balio handiko piezen eremu jakinetako konponketa partzialak egiteko ere, bai horien fabrikazioan eta baita mantenurako lanetan ere.

Azken aplikazioaren arabera, oinarrizko materialarekiko hobetuta dauden edota antzekoak diren propietate mekanikoak lor daitezke, hori guztia ekarpen materiala, prozesuaren parametroak eta fabrikazio bidea egoki hautatuz gero. Materialen, ezaugarri aurreratuetan eta prozesuetan duen ezagutzari esker, LORTEKek 360 graduko laguntza eskain dezake prozesu hauek industria mailan ezartzerakoan, eta horri LORTEKek garatutako ikuskaritza ez suntsitzaileko teknika aurreratuak gehituz gero, produktuaren eta erantsitako materialaren azken kalitatea bermatuta dago, horrela osagarriari funtzionaltasun hobetuak eskainiz.