Javier Amezaga, LORTEKeko presidente berria

LORTEKeko Kontseilu Errektoreak Javier Amezaga izendatu du zentro teknologikoko presidente berri. Izendapena 2025eko otsailaren 25ean egin zen, eta LORTEKentzat aro berri baten hasiera markatzen du.

20 urte baino gehiagoko esperientzia du goi-zuzendaritzan eta kudeaketa estrategikoan, eta ibilbide luzea egin du MONDRAGONen eta Eroski Taldean, eraldaketa-prozesuak gidatuz eta hainbat administrazio-kontseilutan parte hartuz. 2025eko otsailaren 1etik, MONDRAGONeko presidenteorde eta Ekipamendu Dibisioko zuzendari nagusi da.

Pedro Álvarez LORTEKeko zuzendari nagusiaren hitzetan:

“Ziur gaude bere ezagutza eta konpromisoak LORTEKen garapena eta hazkundea nabarmen lagunduko dutela etapa berri honetan.”

Izendapen honekin, LORTEKek fabrikazio aurreratuan eta digitalizazioan duen berrikuntza eta hazkunde estrategia indartzen du, baita MONDRAGONeko ekosistema industrial eta teknologikoarekin duen integrazioa ere.

LORTEKetik Javier Amezaga zoriondu nahi dugu, eta arrakasta opa diogu erronka berri honetan.