Digitalizazio teknologiak
Produkzio prozesuei aplikatutako fabrikazio aurreratu eta adimenduna
Digitalizazioa gaitzen duten teknologiak eta fabrikazio industrialeko prozesuetan izan dezaketen ezarpena ikertzen ditugu. Balio erantsi handiko irtenbide digitalak garatzen ditugu, zeinak kontrolean eta robotikan, ikusmen artifizialean, datuen analitikan, adimen artifizialean eta plataforma digitaletan oinarritzen baitira. Teknologia horien ezagutzaren abangoardian gaude. Industriaren arloko enpresekin elkarlanean dihardugu irtenbide aurreratu horiek integratzeko, gure bezeroei malgutasun eta produktibitate handiagoa, energia- eta baliabide-efizientzia eta lehiakortasun hobea ahalbidetzeko.
Proiektuak
Ezagutza eta gaitasunak lortzen eta garatzen ditugu, teknologiaren laguntzaz erronka praktiko eta errealetan aplikatzeko helburuarekin.
Ekipamendu aurreratua
Fabrikazio aurreratuko prozesuak bideratzaile digitalen uztarketan oinarritzen dira, hala nola datuen analitika eta adimen artifiziala, kontrola eta robotika, sentsorika, IoT eta automatizazio industriala, ikusmen artifizialeko teknologiak edo plataforma industrialak, HMI eta informazioaren eta komunikazioaren teknologiak uztartzean. Hori dela eta, LORTEKen hardware eta software aurreratua eta azpiegitura teknologikoak ditugu, I+G proiektuen garapena eta horien industriarako transferentzia sustatzeko.
- Termografia laborategia.
- SMARTLAB.
- Ikuskapen- eta monitorizazio-zelula: Ikusmen artifizialeko eta sentsorikako teknologia aurreratuak. 2D, 3D ikusmen kamerak, abiadura handikoak, hiperespektralak eta welding camera-k, fotodiododunak, etab.
- Automatizazio-zelula: automatizazio eta kontrol aurreratuko garapenak egiteko aukera ematen du. PLC, PC industrialak, erregulagailuak, eragingailuak, indar-sentsoreak eta abar ditu.
- Datuen laborategia: laborategiak goi-teknologiako IT ekipamenduak, zerbitzariak, GPUak, PC industrialak eta abar ditu, eta datuen irtenbide integralak garatzea eta prozesuei aplikatutako AA sistemak eta ereduak garatzea ahalbidetzen du.
- Fabrikazio aditiboko zelula: SLM Samylabs Alba 300 makina batean fabrikazio aditiborako data driven hurbilketa duen teknologia garatzea.
- Robotika zelula: soldadura eta ikuskapen automatikorako robotika kolaboratiboko irtenbideak garatzea.
- ABB zelula: Fabrikazio robotizatuko irtenbide malguak garatzea. Robotika kooperatiboa