Lotura-teknologiak

Egungo lotura- eta konponketa-prozesuak hobetzeko teknologia aurreratuak eta garapen berriak txertatuz ikertzen dugu, eta etorkizuneko produktuak efizientziaz garatzen ditugu, industria-sektoreen (garraioa, energia, azpiegiturak, ekipamendu-ondasunak) eta gizartearen erronkei (arintzea, iraunkortasuna, akatsik ez izatea, digitalizazioa) erantzunez.

Proiektuak eta arrakasta kasuak

Ezagutza eta gaitasunak lortzen eta garatzen ditugu, teknologiaren laguntzaz erronka praktiko eta errealetan aplikatzeko helburuarekin.

Ekipamendu aurreratua

Enpresen eskura jartzen dugu gure azpiegitura zientifiko-teknologikorik aurreratuena, ikerketa industrialeko eta lotura- eta ikuskapen-prozesu automatizatuen garapen esperimentaleko era guztietako proiektuak garatzeko, arreta berezia jarriz prozesu-datuak biltzeari eta balioztatzeari:

eMobility laborategia eta energia biltegiratzea, laser bidezko soldadura eta FSW teknologietan elektromugikortasun arloko irtenbideak garatzeko.
Pieza handiak fabrikatzeko eta ikuskatzeko portale/gantry zelula.
Robotika kolaboratiboko zelula industriala (COBOT) soldadurarako eta ikuskapenerako.
Arkuzko soldadura-zelula adimenduna, prozesu-datuak eskuratzeko eta bistaratzeko sistemekin.
Zelula robotizatu malguak.
Arkuzko soldadura-iturri anitzak eta potentzia handiko egoera solidoko laser-iturri anitzak, zuntz bidez gidatuak, aplikazio teknologikoak garatzeko malgutasun handia lortzeko.
Friction Stir Welding soldadura-zelulak: Makina espezifikoa, FSW buruarekin egokitutako CNC fresatzeko makina eta ekipamendu robotizatua.
SMARTLAB laborategia, soldadurarako eta ikuskapenerako robotika-proiektuak garatzeko berariazko moduluekin.
Soldatutako loturen eta materialen karakterizazioz eta saiakuntzez erabat hornitutako laborategia (laginak prestatzea, mikroskopia optikoa eta SEM+EDS+EBSD, saiakuntza mekanikoak, korrosio-saiakuntzak, etab.).