Pieza handietarako laser bidezko soldadura-zelula, doitasun handirako junturaren jarraipena duena
Gantry Kuka Reis sistemaz osatutako laser zelula, 7 metroko luzera eta 4 metroko zabalera duen ibilbidearekin, SCANSONIC RLW-A eskaner buruarekin, junturaren jarraipenarekin eta bi laser mota erabiltzeko aukerarekin: 5 kW-ko TRUMPF disko-laserra eta COHERENT zuntz-laserra, 6 kW-ko ARM teknologiarekin.
Soldadura-abiadura handietan junturaren jarraipena egiteko aukera dago; izan ere, ibilbide-zuzenketa eskanerraren ispilu-sistemak egiten baitu, junturaren jarraipen sistema tradizionaletan egin ohi den bezala, sistema robotizatuaren mekanikarekin zuzendu beharrean. Horri esker, ibilbideak berehala zuzen daitezke, eta robotaren inertziekin lotutako arazoak saihesten dira.
Helburua/Erronka
Kalitatezko soldadura bat egitea, piezen prestaketan eskakizun txikiagoarekin: eskanerrean integratutako wobbling teknika erabiltzeak, junturaren jarraipenarekin batera, balizko gap-ak estaltzeko aukera ematen du (0,3 mm-raino, kasu batzuetan ekarpenik gabe), bai eta gainjarritako loturetan ekarpenik ez erabiltzekoa ere.
Emaitza
Produkzio-denborak hobetzea, aeronautikaren, trenbideen eta automobilgintzaren sektoreko tamaina handiko piezetan gainjarrita eta topeka egindako junturetan laser soldadura-prozesuaren abiadura handiagoa lortzen delako.
Sektoreak
Aeronautiko-Aeroespaziala
Energia biltegiraketa
Galdaragintza eta eraldatu metalikoak
Trenbideak
Hidrogenoa
