Altzairu superduplex berri baten hodiak soldatzeko prozesua optimizatzea eta homologatzea

Industria kimikoarentzat eta, zehazki, ongarriak fabrikatzen dituzten industria @-@instalazioentzat erronka bat da propietate onak ziurtatzea hainbat azpiegituratarako hodiak fabrikatzeko erabiltzen diren altzairu duplex edo superduplexen loturetan. Hori bereziki garrantzitsua da landa-soldadurak egiten direnean, batez ere soldadurak ingurune oso korrosiboen eraginpean daudenean. Helburu nagusia propietate mekaniko onak ziurtatzea da, erresistentziaren eta tinkotasunaren arteko erlazio egokiarekin, eta portaera ona izatea soldaduraren eta termikoki kaltetutako eremuaren korrosioaren aurrean, metalarteko fase hauskorrak sortzea saihestuz eta austenita eta ferrita faseen arteko balantze egokia ziurtatuz.