CEFAM - Material metalikoen fabrikazio aditiboan bikaintasunean gaitzeko programa estrategikoa

Fabrikazio aditiboko bikaintasun-sare bat sortzea, zeinak partzuergoa osatzen duten lau zentroen gaitasun osagarriak integratuko baititu eta material metalikoen fabrikazio aditiboaren balio-kate osoa estaliko baitu: abiapuntuko material berrien diseinutik eta hauts edo hari forman ekoizpenetik hasiz, fabrikazio aditiboko prozesua berarekin edo prozesatu ondoko etapekin jarraituz, ingurune garrantzitsuetan frogagailuekin lortutako aurrerapenek eskala industrialean ezartzeko baldintza betetzen dituztela egiaztatzeko saiakuntzen teknologia aurreratuetaraino.
Proiektuak metalen katalogo zabal baten fabrikazio aditiboari heltzen dio: erresistentzia handiko aluminio-aleazioak, kobre purua, prezipitazioz gogortutako kobre-aleazioak, material magnetiko gogor eta bigunak, INVAR, Ni oinarriko aleazioak (INCONEL 718, INCONEL 738 eta CM 247 LC, esaterako), Ti aleazioak, balio erantsi handiko altzairu herdoilgaitzak, erreminta-altzairuak eta Fe oinarriko aleazio amorfoak higadurarekiko eta korrosioarekiko erresistenteak diren estalduretarako. Garatutako materialak SLM (Selective Laser Melting), LMD (Laser Metal Deposition), EBM (Electron Beam Melting) eta WAAM (Wire and Arc Additive Manufacturing) teknologien bidez prozesatuko dira, eta Femtosegundo-laserrak fabrikazio aditiboko ekipamenduetan integratzeko aukera aztertuko da.
Proiektuak bikaintasuna lortzeko funtsezkoak diren beste alderdi batzuk ere azpimarratzen ditu, hala nola prestakuntza eta talentua erakartzea.
Proiektu hau lortuz, AIDIMME, CEIT, FADA-CATEC eta LORTEK zentro teknologikoak "Cervera Bikaintasun Zentro" izendatu dituzte fabrikazio aditiboaren arloan, eta laguntza bat jaso dute MATERIAL METALIKOEN FABRIKAZIO ADITIBOAN BIKAINTASUNAREN GAIKUNTZARAKO PROGRAMA ESTRATEGIKORAKO (CEFAM) "(Espedientea: CER-20191005), Zientzia eta Berrikuntza Ministerioaren mendeko Garapen Teknologiko Industrialerako Zentroaren (CDTI) bitartez.